,,უნივერსიტეტების დანიშნულება და ინსტიტუციონალური ავტონომია: გამოწვევები და მათი გავლენა საქართველოზე“
აღმოსავლეთ ევროპის უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის ორგანიზებით 2021 წლის 29-30 ოქტომბერს ტარდება საერთაშორისო სამეცნიერო კონფერენცია: ,,უნივერსიტეტების დანიშნულება და ინსტიტუციონალური ავტონომია: გამოწვევები და მათი გავლენა საქართველოზე.“
შეხვედრის ფორმატი: ვირტუალური
კონფერენციის სამუშაო ენები: ქართული, ინგლისური
კონფერენციის მიზანი: საერთაშორისო გამოცდილების ჭრილში საქართველოს უმაღლესი განათლების იმ პრობლემების გაანალიზება, რომელიც პირდაპირ კავშირშია ქვეყნის სოციალურ, კულტურულ, ეკონომიკურ და პოლიტიკურ განვითარებასთან.
განსაკუთრებით მნიშვნელოვანია, პასუხი გაეცეს შემდეგ შეკითხვებს:
- რა უნდა იყოს უმაღლესი განათლების დანიშნულება საქართველოში?
- რომელია თანამედროვე საქართველოს უმაღლესი განათლების ძლიერი და სუსტი ასპექტები?
- რა საშუალებებით შეიძლება ნაკლოვანებების და ხარვეზების აღმოფხვრა?
- როგორ შეუძლია უმაღლეს განათლებას, ხელი შეუწყოს ქვეყნის სოციალურ, კულტურულ, ეკონომიკურ და პოლიტიკურ განვითარებას?
- როგორ ეკონომიკურ გარემოში ფუნქციონირებს უმაღლესი განათლების სისტემა საქართველოში და ამ კუთხით რაში მდგომარეობს მისი მთავარი გამოწვევები?
- რამდენად ავტონომიურია უმაღლესი საგანმანათლებლო დაწესებულებები საქართველოში?
- როგორია აკადემიური თავისუფლების ხარისხი საქართველოში არსებულ უმაღლეს საგანმანთლებლო დაწესებულებებში?